Злато за Катерина Ацевска, Македонија со три медали на Балканското првенство во џиу-џицу
Одлични вести доаѓаат од Балканското првенство во џиу-џицу во Романија. Македонија има балкански шампион, а тоа е Катерина Ацевска во сениорска конкуренција во категоријата +70 кг.
Нашата земја има и балкански вицешампион, тоа е Антонио Стојчески У18 во категоријата -68 кг кој во многу тешка конкуренција од 19 борци се закити со сребрениот медал.
Исто така пиедестал за трето место и бронзен медал освои и Данил Николиски во У21 -56 кг.
Одлични борби прикажа и Зоран Колевски во У18 -62 кг кој и покрај двете победи не успеа да се закити со медал и заврши на деветтото место од 14 борци.
Од џиу-џица Федерацијата на Македонија објавија дека следуваат уште два контролни турнири пред Светското првенство на 28.10.2024 во Крит, а тоа се турнирите во Бања Лука (28.09) и Источно Сараево (18.10).