Украинскиот претседател Володимир Зеленски денеска изјави дека не е првпат рускиот лидер Владимир Путин да му се заканува на светот со можна употреба на нуклеарно оружје и дека „никој не знае што му е на ум“.

Тој нагласи дека не може точно да знае кои се намерите на рускиот претседател.

„Ниту еден нормален човек не може едноставно да дојде во Украина и да го прави тоа што го направи. Мислам дека го сака својот живот и начинот на кој управува со животите на другите. Затоа мислам дека треба да се плаши од употреба на нуклеарно оружје. “, рече Зеленски.

На 25 септември Путин предложи проширување на државната политика во однос на употребата на нуклеарно оружје, пренесува Спутник.

„Во изменетата верзија на документот, агресијата врз Русија од која било ненуклеарна држава, но со учество или поддршка на нуклеарна држава, ќе се смета за нивен заеднички напад врз Руската Федерација“, рече Путин.