„Замисли” ја поздрави најавата на Владата за разрешување на раководството на М-НАВ
Граѓанската иницијатива „Замисли” ја поздрави најавата на Владата за разрешување на целокупното раководство на М-НАВ и за ревизија на досегашното работење.
За демонстрацијата на сила преку насилничкиот упад во М-НАВ, пак, што директно ја наруши безбедноста на вработените и на авиосообраќајот на македонското небо, бараме и мора да има правна разврска и кривична одговорност. Битката за професионалност во М-НАВ е битка на сите нас, за држава на граѓаните, а против држава разбрана како сопственост на политичко – криминални групации, велат од „Замисли“.
Ако Владата не ги разреши директорите на М-НАВ, контролата на летање в среда стапува во штрајк
Доколку Владата остане доследна на најавите, од граѓанската иницијатива велат дека ќе се покаже како пример за организиран и обединет отпор од професионалци поддржан од јавноста што може да предизвика сериозни системски промени и да ги поттикне на акција носителите на одлуки.
Битката за професионалност во М-НАВ е битка на сите нас, за држава на граѓаните, а против држава разбрана како сопственост на политичко – криминални групации. Таа битка се води постојано и не треба да се чекаат криминални и насилни упади или ескалација на состојбите за да се преземат мерки, особено ако се има предвид дека Синдикатот алармираше за овие процеси од многу одамна. Овој Синдикат, воедно стана и симбол на професионален интегритет и пример за пркос против партизацијата, која освен што ги подрива институциите, почна да биде и директна закана за безбедноста и животот на граѓаните, се додава во соопштението.