Портпаролката на руското Министерство за надворешни работи Марија Захарова преку „Телеграм“ реагираше на изјавите на српскиот министер за економија Раде Баста дека постои можност Србија да воведе санкции кон Русија.

Засега ова е прва отворена изјава за санкции на владин претставник по инвазијата на Украина и отстапување од официјалната позиција на Белград.

„Србија веќе плаќа висока цена што не воведува санкции против Русија и тоа станува неодржливо“, рече министерот Баста.

„Српскиот министер за економија Раде Баста има чудно размислување кога вели дека Србија треба да воведе санкции кон Русија“, напиша Захарова на Телеграм.

Портпаролката на руското министерство додаде дека Русија, за разлика од САД, отсекогаш ги почитувала Србија и нејзиниот народ. „Очигледно е дека со воведувањето санкции против Русија, притисокот на САД врз Србија нема да исчезне, туку само ќе се зголеми“, напиша Захарова.

Дачиќ вели дека СПС не е за воведување санкции кон Русија