„Западните земји спроведуваат масовна антируска кампања со цел дестабилизација на политичката ситуација во Русија, сепак, Москва несомнено ќе ги отфрли ваквите обиди“, изјави вчера портпаролката на руското Министерство за надворешни работи, Марија Захарова.

„Кристално е јасно дека провокациите против Русија се случуваат на големо ниво со цел да се мешаат во внатрешната политика на нашата земја и да се обидат да ја дестабилизираат. Таквите обиди се осудени на пропаст. Верувам дека нашите колеги од Запад го разбираат тоа“, додаде Захарова, пренесе руската агенција ТАСС.

Таа изрази револт затоа што креаторите на идејата во кампањата се обидоа да ги вклучат тинејџерите во нивните интриги и истовремено да користат малолетни лица како „жив штит“.

„Ова е неприфатливо. Таквото мешање во внатрешните работи на Русија ќе биде запрено“, заклучи Захарова.

Извор: Блиц.рс