Во неколкку трговски центри во Сараево, вчера,  пристигнале дојави за бомби на имејл адресите, но службениците ги виделе мејловите дури по 10 час. Вратите на трговските биле отворени и бројни сараевчани се шетале во текот на денот нормално низ продавниците без да знаат за заканата, известува Телеграф.рс.

Контрадиверзантските екипи вчера во главниот град на Босна и Херцеговина имале полни раце работа.

Заканувачките мејлови пристигнале на адресите на „Сараево сити центар“, „Импортан центар“ и „Ариа Мол“, а според информациите, имејлот стигнал десет часа пред вработените во трговскиот центар да ја известат полицијата за заканата. Ова го потврди портпаролката на МВР К.С. Мерсиха Новалиќ.

„Во утринските часови во вторник на 24 септември известувањето е испратено до сите центри по електронска пошта, зависи само кој го отворил, а тоа е направено од безбедносна страна“, рече Новалиќ.

За среќа се работело за лажни дојави.