Возачот на заменик-министерот за култура уапсен во Тетово, попречувал работа на полицајци

Возачот на заменик-министерот за култура Седат Сулејмани, како и внукот на возачот, вчеравечер биле приведени во полициска станица во Тетово затоа што влегле во расправија со полицајци и ги спречувале да ја вршат работата, објави „Сител“.

Според телевизијата, полицајците го запреле внукот, кој се јавил да ургира кај возачот. МВР денеска соопшти дека двајцата ја попречиле работата на полицајците и им ја загрозиле безбедноста, поради што биле приведени, заедно со уште едно лице.

„На 24.09.2024 година во 21:45 часот на улица ,,Илинденска“ во Тетово, полициски службеници од СВР Тетово поради загрозување на сигурност и спречување на службено лице во вршење на службени дејствија ги лишиле од слобода Н.М.(40) А.К.(35) и И.Ф.(33) сите од Тетово. Тие се задржани во полициска станица за понатамошна постапка и прoтив нив ќе следува соодветен поднесок“, соопшти денеска полицијата.

Откако дел од медиумите објавија дека заменик-министерот за култура Сулејмани вечерта дошол пред полициската станица, тој за „Сител“ вели дека не бил пред СВР Тетово, туку во кафулето пред полициската станица – се интересирал што се случува со неговиот возач, но не интервенирал и не го оправдувал неговото однесување.

Јавен обвинител треба да одлучи дали за тројцата приведени што се расправале со полицијата и ги попречиле во работата ќе има прекршочни или кривични пријави.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот