Во Либан сè уште има околу 1.800 германски државјани
Според владата во Берлин, во Либан каде има интензивни бомбардирања од страна на Израел сè уште има околу 1.800 германски државјани. Граѓаните се на списокот за кризни состојби на германското МНР, изјави портпаролот на министерството, пишува ДПА.
Бидејќи аеродромите во Бејрут и Тел Авив се сè уште отворени, Министерството е подготвено да им помогне да патуваат доколку им треба помош.
Министерството, сепак, во никој случај не планира евакуација, рече портпаролот.
Министерството го подигна кризното ниво за германскиот персонал во дипломатските мисии во Бејрут, Тел Авив и Рамала.
Тоа значи дека семејствата на германските претставници треба постепено да го напуштат регионот, додека персоналот се разредува, објасни портпаролот.