Трендот на објава или реобјава на музички албуми во формат на винилни изданија фаќа корен и на македонска почва. Иако станува збор за колекционерски изданија со лимитиран тираж, сепак постоењето на интерес за набавка на винили укажува дека и кај нас има критична маса што сака да слуша музика со квалитетно снимен звук поставен на аналоген носач со широк дијапазон фреквенции.

Факти што одат во прилог на оваа теза се четирите нови винили што се појавија во изминативе неколку месеци. Во издание на „Корпус деликти рекордс“ и „Кичма рекордс“ се појавија винилни изданија на албумите „Здраво-живо“ на групата „21 Век“, „25 Мај“ на „Културно Уметнички Работници“, „Чоканче“ на битолската група „Чоканче“ и „Степс“ на Сашо Поповски.

(Текстот е објавен во „Културен печат“ број 237, во печатеното издание на весникот „Слободен печат“ на 29-30.6.2024)