Во Дојран наврнало најмногу дожд, во Гевгелија најмалку
![](https://www.slobodenpecat.mk/wp-content/uploads/2020/02/copy_of_13.s8003572.jpg)
Во изминатите 24 часа најмногу дожд има наврнато во Дојран, 16 литри на метар квадратен, а најмалку во Пожаране и Гевгелија, еден литар на единица површина.
УХМР информира дека од 8 часот утрово биле измерени 15 литри на метар квадратен во Охрид, 10 во Битола и Крушево, 9 во Лазарополе, 7 во Претор и Маврови Анови, 6 во Ѓуриште, 4 во Кавадарци, Пожар, Прилеп, Демир Капија и Виница, 3 во Штип, како и два во Тополчани, Струмица, Крива Паланка и Велес.
Времето денеска се очекува да биде променливо облачно и посвежо,а во предпладневните часови краткотраен пороен дожд и ретки грмежи, особено во западните делови. Ќе дува засилен северен ветер долж Повардарието. Максималната температура ќе биде во интервал од 24 до 32 степена.
Во Скопје ќе биде променливо облачно и посвежо со сончеви периоди. Ќе дува умерен до засилен северен ветер. Максималната температура ќе достигне 28 степени.