Дирекцијата за статистика на Црна Гора, Монстат, од денеска ќе го започне земјоделскиот попис кој ќе трае до 1 декември. „Целта на спроведувањето на Пописот на земјоделството е да се обезбедат меѓународно споредливи податоци како за натамошно унапредување на официјалната статистика во областа на земјоделството, така и податоци од важност за креирање политики во смисла на креирање одржлива земјоделска политика“, соопшти Монстат.

Пописот на земјоделството по содржина и обем е најобемно и најкомплексно статистичко истражување од областа на земјоделската статистика, кое се спроведува на секои десет години во согласност со единствените меѓународни стандарди.

„Со пописот во земјоделството се собираат податоци за бројот на земјоделски стопанства, површината на искористено земјоделско земјиште по категории на користење, добиток по видови и категории, лица кои учествуваат во земјоделското производство по пол, објекти за сместување добиток, машини, опрема и повеќе“, изјавија од Монстат, пренесува Танјуг.