ВМРО – ДПМНЕ со реакција на коментарите на Еролд Муслиу.

– Безобразно и некоректно е Еролд Муслиу да говори за професионализам и мерит систем. Човекот од Агенцијата за разузнавање направи партиски штаб на СДС, организирајќи хајки, напади и пресметувајќи се со ВМРО-ДПМНЕ, велат од партијата.

Обвинуваат дека агенцијата предводена од Еролд се пресметувала со новинари, медиуми и личности кои го критикувале криминалот на СДС и ДУИ.

– Муслиу со такво портфолио може да се кандидира единствено за лидер на СДС наместо да рони солзи за неговото разрешување, се вели во партиската реакција на ВМРО – ДПМНЕ.

Додаваат дека за неговото работење доволно говори податокот дека додека Муслиу бил на директорската позиција, неговата сопруга со помош на владата дошла до грант од 620.000 евра.

– Во која НАТО земја сопруга на директор на служба добива 620.000 евра грант за работа која е дејност на службата на сопругот?, прашуваат од ВМРО – ДПМНЕ.

Партијата на Мицкоски смета дека неговата одбрана под превезот на етничката припадност е тешка манипулација и дека тоа е можната причина за смена.

Муслиу: Партиската логика го надвладеа мерит системот