Поранешниот вицепремиер за економски прашања, Кочо Анѓушев, го потврди она за што ВМРО-ДПМНЕ изминатите три години предупредуваше и истакна дека буџетската дупка изнесува неверојатни 2 милијарди евра. Не само што потврди дека нашата држава е пред банкрот, Анѓушев исто така истакна дека македонската држава во наредните месеци ќе има проблем со исплатата на плати на администрацијата, што е застрашувачки, се вели во денешното партиско соопштение на ВМРО – ДПМНЕ.

Од таму додаваат и дека во иста насока е и изјавата на претседателот на Република Македонија, Стево Пендаровски кој изрази сериозен сомнеж дека нашата држава има доволно ресурси за да воспостави и спроведе вонредна состојба.

По стапките на неговиот партиски шеф тргна и министерот за администрација, Дамјан Манчевски кој побара исполнување на директивата на Заев за намалување на платите во администрацијата на 14.500 денари, велат од партијата.

Според опозициската партија ова е само потврда за катастрофалните економски политиките кои ги водела СДСМ изминативе 3 години во мирнодобски услови кога целиот регион и Европа бележел екомски раст.