ВИДЕОИНТЕРВЈУ | Забрчанец: Нема Европа дома без членство на Македонија во ЕУ
Мислам дека тезата Европа дома, без членство на Македонија во ЕУ е приказна за мали деца, рече Марјан Забрчанец екс национален координатор во Владата во интервју за Слободен печат.
Забрчанец смета дека интеграцијата во ЕУ е сериозен процес за кој се потребни сериозни реформи внатре во државата, но и искористување на моментот што целиот Западен Балкан е ставена брза лента во делот на проширување на ЕУ.
„Ние нема да станеме членка на ЕУ со притискање на копче, со притискање на копче може да ни се забрза пристапувањето и тоа веќе се случи. Таа рамка дека до 2030 ЕУ е подготвена да се случат овие брзи реформи и на ниво на ЕУ и на ниво на Западен Балкан, односно Македонија во случајов, значи дека некој го притиснал копчето за брза трака, но ние таа брза трака треба да ја изодиме. За ние Европа да ја донесеме дома значи да исполниме критериуми, да се подобриме, да ги зајакнеме капацитетите на институциите, да привлечеме уште европски фондови. Европа дома не може да постои без пристапување на Северна Македонија во ЕУ, односно без финализирање на тој процес со членство во ЕУ“ посочи Забрчанец.
Повеќе од разговорот со Забрчанец во видеото во продолжение.