Единствениот грумер за мачки на Балканот, Сеок Вон Канг или мистер Канг живее во Скопје. Тој работи во скопскиот салон за стилизирање на животни „Туту“. Животот во Македонија му се допаѓа многу, вели за „Слободен печат“ мистер Канг, кој е воодушевен од местата кои ги посетил и од нашата традиционална храна, а посебно му се допаѓа и како се развива бизнисот за миленици.

Мистер Канг работи со најдобрата јапонска техника за нега на миленици.

-Јапонската техника за груминг се разликува многу од стандардната. Јас користам посебни чекори, правам чести паузи после секоја постапка за да ја одморам мачката, дополнително пуштам музика и користам ароматерапија, на тој начин ги смирувам мачињата – раскажува нашиот соговорник.

Работи со редовни клиенти, вели дека интересот за стилизирање на мачиња е голем.

-Имаме редовни клиенти, но одвреме-навреме доаѓаат и нови, ме радува како луѓето сé повеќе ја сфаќаат потребата за нега на нивниот миленик. Јас препорачувам еднаш месечно посета на грумер – додава тој.

Погледнете го целиот разговор во продолжение: