ВИДЕОИНТЕРВЈУ | Драган Данев: Аматеризмот го донесе образованието до овој степен каде што е сега
![](https://www.slobodenpecat.mk/wp-content/uploads/2024/06/DSC_1754-scaled.jpg)
Образованието не е изолиран сегмент во општеството. Се што ни се случува во општеството порано или подоцна ни се пресликува на некој начин и во образованието. Дали има човечки капацитет и потенцијал тоа да се реформира секогаш е дилема и секогаш е тешко да се одговори директно. Но, она што може да се заклучи накусо зошто тоа е доведено до овој степен какво што е денес е токму поради аматеризмот на раководните лица во образованието сите овие 30 години наназад. Само го реформираме, и пак не чини. Ова го изјави во утринската емисија на „Слободен печат“ поранешниот пратеник и професор Драган Данев.
– Места каде што треба да бидат поставени професионалци во своите струки се ставаат партиски луѓе. Не велам дека партиите не треба да ги диригираат раководните кадри, напротив и во партиите има доволно квалификуван и професионален кадар коишто се професионалци во својата дејност, но за жал не се вреднува нивниот капацитет. Затоа треба да излеземе од тој аматеризам за кој зборувам и час поскоро на соодветните места да се постават професионалци кои што работата ќе ја водат нанапред. Ние сме една мала држава и по територија и по население и може за многу краток временски период да се направат резултати коишто ќе ги почуствуваат граѓаните – истакна Данев.
Данев додаде дека ВМРО-ДПМНЕ има легитимитет и одговорност да ги спроведе реформите во општеството а за тоа може да помогне и проширувањето на министерските места во новата Влада.
Повеќе од разговорот со Драган Данев можете да погледнете во видеото во продолжение.