ВИДЕО | Херој во сандали: Трчал по терористи во Израел, еден од нив ликвидирал
Лев Крејтман лежерно јадел стек во ресторанот во Јафа, Израел каде вчера терористи убија 7 луѓе. Кога слушнал пукотници тој без двоумење со сандали истрчал кон трамвајската станица каде што двајцата терористи пукале и ги боделе сите што ќе им се најдат на патот.
Лев го извади пиштолот и се соочил со напаѓачите, убивајќи еден од нив веднаш. На платформата Икс се појави и видео на кое Лев трча во сандали и пука, принудувајќи еден терорист да побегне.
לב קרייטמן, מנכ"ל מידברן, חיסל הערב מחבל ביפו. בכפכפים.
המציאות פה עולה על כל דמיון. pic.twitter.com/tAo9ApZwGI
— Nava Rozolyo נאווה רוזוליו (@rozolyo) October 1, 2024
Лев исто така се грижел за повредените додека не пристигнала итната помош. Полицијата подоцна потврди дека седум лица загинале, а 11 се ранети во терористичкиот напад, кој се случил само неколку минути пред почетокот на иранскиот напад врз Израел.
Зборувајќи за Дејли Мејл, Лев го опиша својот херојски чин. „Живеам веднаш над трамвајската станица во Јафа, штотуку завршив со работа и бев гладен затоа што немав ништо дома. Се симнав долу во ресторанот за шницли и тогаш слушнав пукање“, рекол Лев.
ВОЗНЕМИРУВАЧКО ВИДЕО: Четири жртви во нападот во израелскиот град Јафа