Во рамките на 45. издание на фестивалот на филмска камера „Браќа Манаки“, кој се одржува од 21 до 27 септември, тимот на „Слободен печат“ ги праша битолчани дали знаат кои се браќата Манаки, но и за нивните ставови за културата во градот и за фестивалот „Браќа Манаки“. Најголем дел од одговорите се дека фестивалот е значаен настан кој ја прославува историјата на киното и филмската уметност. Битолчани сметаат дека фестивалот ги поврзува авторите и љубителите на филмот од Балканот, а и од целиот свет.

Анкетата собра различни мислења и искуства на битолчани за влијанието на Манаки на локалната и регионалната култура.

– Фестивалот Манаки е светлост за нашиот град. Тој ја истакнува нашата историја – вели еден млад битолчанец.

За битолчани фестивалот е гордост. Градот живее во духот на културата.

– Првенствено, се промовира и се негува тоа што трае многу години. Се издигнува градот на едно повисоко ниво – вели таа.