Екипата на Вардар во денешниот натпревар славеше победа во Кавадарци против Тиквеш со 0:1.

Вардар до победата дојде со голот на Закариќ кој на 20-тина минути пред крајот со фантастичен удар го совлада Ристе Јанков кој остана немоќен да интервенира.

Го задржа водството Вардар до самиот финиш од натпреварот кога видовме и еден инцидент. Помошник сигнализираше да се поништи гол на домаќините, тоа ги налути домашните навивачи.

Следуваа жестоки протести, додека некој од навивачите со тврд предмет го погоди помошникот судија. По инцидентот главниот судија Александар Ставрев процени дека нема услови мечот да продолжи и досуди крај на средбата.

Во останатите натпревари, Работнички и Брера ремизираа во Скопје на Арената „Тодор Проески“ 1:1, Шкендија ја декласираше Воска со 5:1, Струга дома загуби од Шкупи со 0:3, Пелистер на гости се радувшае против Беса, додека Гостивар со 1:2 го совлада Силекс.