ВИДЕО: Ураганот Хелен пустоши во САД, над 43 загинати во поплавите
Голем дел од југоисточниот дел на Соединетите Американски Држави денес се соочува со тешка задача да го поправи уништувањето што го остави ураганот Хелен, еден од најмоќните што ја погоди земјата, додека бројот на жртви продолжува да расте.
До вчера вечерта, официјалниот број на загинати се искачи на 43, но властите стравуваат дека ќе бидат откриени уште тела низ неколку држави.
Како ураган од четврта категорија, Хелен вчера во 23 часот по локално време ја погоди Флорида и остави зад себе хаотичен пејзаж од превртени бродови во пристаништата, соборени дрвја, заглавени автомобили и поплавени улици. Хелен стигна до Флорида со ветрови од 225 километри на час.
Хелен потоа ослабе до посттропски циклон, но опасните по живот бури, ветрови и обилни дождови продолжија, објави НХЦ. Националната метеоролошка служба издаде предупредување за поплави во неколку окрузи во Џорџија, Јужна Каролина и Северна Каролина.
Поплавите се толку обилни што ги загрозуваат браните кои би можеле да попуштат, а се стравува дека би можеле да бидат поплавени цели градови. Во округот Пинелас во Флорида, недалеку од Тампа, шерифот Боб Гуалтиери рече дека никогаш порано не видел такво уништување и ја опиша сцената како воена зона.
Најмалку 3,5 милиони луѓе во пет држави сè уште се без струја, а властите најавија дека би можело да потрае и до пет дена пред да се врати струјата.
Научниците тврдат дека климатските промени предизвикуваат се помоќни и погубни урагани. Полицијата и пожарникарите досега извршија илјадници спасувачки операции. Повеќе од 50 луѓе беа спасени од покривот на болница во близина на Ноксвил, Тенеси. Обемот на штетата во Флорида е огромен и само што почнува да се појавува.
Unicoi County Hospital right now.. Dozens of staff and patients stuck as water continues to rise!!! 🙏🙏🙏 No words…
📸 Brittany Renfro pic.twitter.com/ATETKUaDqI
— Tri-Cities WX/ALERTS (@wxnotifications) September 27, 2024
Властите ги повикаа луѓето чии домови беа на патот на Хелен да се евакуираат, а директорот на Националниот центар за урагани Мајкл Бренан предупреди дека бурата „не може да се преживее“.
Канцеларијата на шерифот на округот Тејлор објави на социјалните мрежи дека жителите кои не сакаат да се евакуираат треба да ги напишат своите имиња и датуми на раѓање на рацете со неизбришливи маркери „за да можете да бидете идентификувани и да бидете известени за семејството“. Некои жители не сакаа да одат на безбедно.