ВИДЕО | Ултраортодоксните Евреи во Израел излегоа на протест против регрутирањето
![](https://www.slobodenpecat.mk/wp-content/uploads/2024/07/12337984.jpg)
Илјадници ултраортодоксни Евреи во Израел синоќа протестираа против регрутирањето, јави ДПА.
Протестите беа поттикнати од неодамнешната наредба на Врховниот суд да започне регрутирање на ултраортодоксните мажи.
Локалните медиуми јавија за насилни судири меѓу демонстрантите и полицијата во Ерусалим. Полицијата на коњи и водени топови беа употребени за растерување на демонстрантите во црни одела. Демонстрантите гаѓаа со камења и нападнаа полицајци, што резултираше со апсење на пет лица.
Now in Jerusalem: mass protest against enlistment of Ultra Orthodox Jews to the army pic.twitter.com/CCqYidg6Gm
— Oren Ziv (@OrenZiv_) June 30, 2024
Во Израел со децении постојат ослободувања од задолжителен воен рок за ултраортодоксните мажи. Сепак, тие исклучоци истекоа пред три месеци.
Како резултат на тоа, највисокиот суд нареди суспензија на државните субвенции за ултраортодоксните мажи полнолетни кои учат во верските училишта.