ВИДЕО: Турција славеше во Лајпциг, познати сите четвртфинални двојки на Европското првенство
Се одигра и последниот натпревар од осминафиналната фаза на Европското првенство во кој фудбалската репрезентација на Турција триумфираше над Австрија со резултат 2:1.
На стадионот во Лајпциг најдобрите турски играчи по само 57 секунди успеаја да дојдат во водство преку Мерих Демирал. Тоа е вториот најбрз гол во историјата на европските првенства.
Истиот играч ја зголеми позитивата во 59 минута по асистенцијата на Арда Ѓулер.
MERIH DEMIRAL GOAL AGAIN
2-0 TURKEY OVER AUSTRIA#AUTTUR #EURO2024 pic.twitter.com/wSpffqnZWJ
— Sideline Recaps (@SidelineRecaps) July 2, 2024
До крајот на мечот Австријците успеаја само да го ублажат поразот во 66 минута со погодокот на Михаел Грегорич, а асистент беше Штефан Пош.
Во четвртфиналето Турците ќе играат против Холандија која претходно убедливо со 3:0 ја совлада Романија.
Еуро 2024
Четвртфинале, двојки –
5 јули Шпанија – Германија (Штутгарт)
5 јули Португалија – Франција (Хамбург)
6 јули Холандија – Турција (Берлин)
6 јули Англија – Швајцарија (Диселдорф)