ВИДЕО | Тренчевска: Единствена држава сме во регионот во која ниту едно дете повеќе не е сместено во државна институција
Заменик министерката за труд и социјална политика Јованка Тренчевска во интервју за „Слободен печат“ истакна дека социјалната реформа во делот на деинституционализација дала одлични резултати во поглед на инклузијата на децата и лицата со попреченост.
„Во делот на социјалната реформа од 2019 година со новиот Закон за социјална заштита и Националната стратегија за деинституционализација започна процесот за деинституционализација и досега имаме имаме 57 мали групни домови каде се одвива живеењето со поддршка. Во ваквите домови владее семејна атмосфера и воедно е достапна дваесетичетири часовна грижа. Со гордост можам да истакнам дека ние сме единствената држава каде ниту едно дете до 18 годишна возраст не е сместено во големите и гломазни институции“ рече таа.
Тренчевска истакна дека огромен успех и тоа што веќе нема специјални училишта, туку тие сега се ресурсни центри, а сега децата со попреченост се вклучени во редовното образование и при тоа можат да сметаат на помошта на околу 750 образовни асистенти, а преку личната асистенција за лицата со попреченост тие добиваат дополнителна поддршка од државата, како и тоа дека ќе следат нови мерки преку Националната стратегија за лица со попреченост 2023 – 2030 година.
Целото интервју со заменик министерката за труд и социјална политика Јованка Тренчевска погледнете го во продолжение: