ВИДЕО: Тотенхем убедливо го совлада Манчестер јунајтед на Олд Трафорд
Фудбалерите на Тотенхем денеска победија на гостински терен кај Манчестер јунајтед со 3:0, во шестото коло од Премиер лигата.
Првиот гол за Тотенхем го постигна Бренан Џонсон во третата минута. Предноста на Тотенхем ја зголеми Дејан Кулушевски со гол во 47 минута, а конечниот резултат го постави Доминик Соланке со гол во 78 минута.
Играчот од средниот ред на Манчестер јунајтед, Бруно Фернандеш доби директен црвен картон во 42 минута поради опасниот старт врз Џејмс Медисон.
По втората последователна победа, Тотенхем е осми на табелата со 10 бодови, додека Манчестер јунајтед е на 12 место со седум бодови.
Двата тима во следното коло ќе играат на гостински терен, Тотенхем против Брајтон, а Манчестер Јунајтед против Астон Вила.
Пред следното коло од Премиер лигата, двата тима ќе играат гостувања во Лига Европа, Тотенхем против Ференцварош, а Манчестер јунајтед против Порто.