ВИДЕО | Том Круз го украде шоуто на затворањето на Олимписките игри: Се спушти со јаже на стадионот
Том Круз го украде шоуто на официјалната церемонија на затворањето на Олимписките игри во Париз во 2024 година.
62-годишниот актер се спушти со јаже на стадионот за време на подигнувањето на американското знаме и интонирањето на американската химна, што ја доведе публиката во транс. Потоа го зел знамето и со мотор се „упатил“ во Лос Анџелес пред да скокне од авион и да позира покрај знакот на Холивуд во однапред снимена секвенца.
Thank you, Paris! Now off to LA. pic.twitter.com/MxlAb0hZbT
— Tom Cruise (@TomCruise) August 11, 2024
Социјалната платформа Икс е полна со коментари за Круз. Многумина пишуваат дека „сега е јасно зошто Том Круз е еден од најдобрите актери досега“.
„Не можам ни да замислам колку Круз плаќа за животно осигурување“, се пошегуваа некои.
„Само ќе кажам дека Том Круз има 62 години. И тоа е тоа“, напишале други.
Олимписките игри во Париз официјално се затворени. Традиционалната церемонија на затворањето се одржа на францускиот национален стадион. На церемонијата беа вклучени повеќе од 100 танчери, циркуски уметници и други изведувачи.
Уметничкиот директор Томас Џоли откри дека церемонијата на затворање била замислена како „комбинација на чудо и дистопија“, а како дел од церемонијата, „Златниот патник“ се спуштил на стадионот и ги водел гледачите низ историјата на Олимписките игри, додека акробатите ги подигнале познатите пет прстени на Игрите.
Свеченото затворање го одбележаа настапите на француските бендови, како и претходно подготвените снимки од настапите на американските ѕвезди кои најавија одржување на Олимписките игри во Лос Анџелес во 2028 година.