ВИДЕО | Тестенини карбонара по рецепт на Гордон Ремзи, готови за само 10 минути!
![](https://www.slobodenpecat.mk/wp-content/uploads/2024/07/Gordon-Remzi-testenini-karbonara-Foto-Printskrin-Instagram-.jpg)
Познатиот британски готвач Гордон Ремзи секогаш нѐ воодушевува со своите вештини во кујната, а особено сега со својот совршен рецепт за кремаста карбонара, кој може да се приготви за 10 минути.
Состојки:
– сланина или панцета, исечкана на коцки
– шпагети
– 2 жолчки
– 2 печурки
– 2 чешниња лук
– 1 лута пиперка
– малку смрзнат грашок
– 180 грама кисела павлака
– пармезан
– сол, бибер и масло за јадење
– магдонос
Подготовка:
1. Ставете ги шпагетите да се сварат во зовриена вода.
2. Загрејте малку маслиново масло во тавче и ставете ја исечканата сланина да се пржи, а потоа додајте бибер.
3. Исечкајте го лукот на тенки ленти и додајте го во сланината, а потоа и печурките исечкани на ленти, ситно исечкана лута пиперка и малку грашок.
4. Во друг сад, издвојте ги жолчките од белките и во нив додајте го изренданиот пармезан и павлаката. Сето тоа соединете го и додајте малку вода, па повторно промешајте.
5. Во тавата со сланина додајте околу 10 лажици од водата во која се вареле шпагетите.
6. Кога шпагетите ќе се сварат, процедете ги и додајте ги во тавата со состојките.
7. Додајте ја смесата со жолчките и магдоносот, па повторно промешајте.
8. Кратко гответе и шпагетите се готови!