ВИДЕО: Шпанија убедливо ја совлада Грузија и закажа четвртфинале против Германија
Фудбалерите на Шпанија ја совладаа Грузија со резултат 4:1 во осминафиналето на Европското првенство.
Гледавме интересно прво полувреме, Шпанија доминираше во шансите, а фантастично бранеше голманот на Грузија, Мамадаршвили.
Грузијците дојдоа до изненадувачко водство по еден од ретките напади во 18 минута, со автогол по несмасната реакција на Ле Норман.
Сепак, Црвената фурија успеа да израмни со голот на Родриго по ударот од работ на шеснаесетникот во 39 минута.
Во вториот дел Шпанија ја оправда фаворитската улога, стекна предност со голот на Фабијан Руиз во 52 минута.
Третиот гол кој го реши прашањето на победникот го постигна Нико Вилијамс во 75 минута со вистинска мајсторија. Точка на овој натпревар стави Дани Олмо со гол во 83 минута.
Шпанија во големото дерби во четвртфиналната фаза на ЕП ќе се сретне со домаќинот Германија на 5 јули во Штутгарт.