Репрезентативецот на Англија, Ентони Гордон заработил повреда во слободниот ден на Европското првенство откако паднал од велосипед, но за среќа таа нема биде причина да го пропушти осминафиналето.

Во првиот слободен дел од почетокот на Европското првенство, Гордон со уште неколку репрезентативци возел велосипед кога паднал во близина на кампот на репрезентацијата.

Тоа возење ќе го памети по падот од кој заработил исекотини на рацете и брадата. Неговата повреда ја забележаа и новинарите, а како се случила откри неговиот соиграч Марк Гуехи.

„Падна од велосипед. Момците излегоа да возат точак, јас не бев таму. Ми кажаа кога се вратија, разговарав со Ентонио и не го забележав во прв момент. Кога се сврте видов голема рана на неговата брада, но во ред е, добар е“, изјави Гуехи.

Во осминафиналето утре Англија ја чека натпревар против Словачка во терминот од 18:00 часот.

Anthony Gordon got gifted a bike helmet and stabilisers after his cycling accident… 😅🚲

Cole Palmer can’t hold in his laughter! 😂 pic.twitter.com/8GIBm6PUKY

— Mail Sport (@MailSport) June 28, 2024