ВИДЕО | Реми на Колумбија и Бразил во дербито на Копа Америка, натпреварот го одбележаа спорни ситуации
Репрезентацијата на Колумбија одигра 1:1 во дербито против Бразил на Копа Америка и така ја задржа првата позиција.
Бразил и Колумбија одиграа возбудлив натпревар во кој покрај двата гола видовме и некои спортни ситуации. „Кариоките“ први стигнаа до водство со голот на Рафиња по 12 минути игра.
Израмнувањето стигна во судиското продолжение кога Кордоба по асистенција на Муњоз реализираше за 1:1. Но, пред голот на Муњоз видовме и една ситуација во која ВАР-собата поради цртање погрешни линии поништи регуларен гол на Колумбијците. Во таа ситуација се гледаше ногата на Кордоба, место на Девисон Санчез кој не беше во офсајд и кој ја погоди мрежата.
😳📺 El LÍO en el VAR del Brasil-Colombia:
El gol, anulado por fuera de juego, lo marcó Davinson Sánchez (23). Sin embargo, desde el videoarbitraje se trazó la línea sobre Jhon Córdoba (24)#CopaAmérica pic.twitter.com/Qrx5LMXEcL
— MARCA (@marca) July 3, 2024
Второто полувреме донесе по некоја шанса, меѓутоа мрежите мируваа. Видовме и уште една спорна ситуација во која сега Бразил не доби пенал по прекршок над Винисиус Жуниор во шеснаесетникот.
Во вториот натпревар кој се играше во истиот термин Костарика со 2:1 го совлада Парагвај.
Ова беа и последни натпревари од групната фаза, а сега следи четвртфиналето.
ПАРОВИ ЗА ЧЕТВРТФИНАЛЕТО:
Аргентина – Еквадор
Венецуела – Канада
Уругвај – Бразил
Колумбија – Панама
