ВИДЕО | Рецепт за гемиста, најомилениот грчки ручек
![](https://www.slobodenpecat.mk/wp-content/uploads/2024/07/Gemista-grcko-jadenje-Foto-Printskrin-Jutjub-Fresh-Piato.jpg)
Грчката кујна е прекрасна, а многу рецепти од тој крај се прават низ целиот свет. Гемиста, разновиден полнет зеленчук со ориз, е еден од нејомилените специјалитети кај нив.
Зачувајте го рецептот за омилениот ручек на Грците, идеален е за сите пригоди!
Состојки:
– 3 домати
– 3 пиперки
– 3 модри патлиџани
– 3 компири
– 300 грама бел ориз
– 1 кромид
– 1 морков
– 50 грама пињола
– 50 грама суво грозје
– 1 чаша сок од домати
– сечкан свеж магдонос и мирудија по вкус
– сол, бибер, зачинал, малку шеќер
– маслиново масло
Подготовка:
Измијте го целиот зеленчук, подгответе ги пиперките за полнење, со лажица издлабете ги доматите и модрите патлиџани и задржете ја внатрешноста за полнењето односно филот, а врвот од пиперките и доматите чувајте ги за да го покрие зеленчукот пред печење. Излупете ги и исечете ги компирите, наредете го тепсијата зеленчукот за полнење, пополнете ги празнините со компири, посипете малку сол и шеќер за да ги ослободи зеленчукот своите сокови.
Преминуваме на смесата за полнење. На маслиново масло пропржете го ситно сечканиот кромид. Морковот и внатрешноста на модриот патлиџан иситнете ги во блендер, па и тоа додадете го во тавата и динстајте неколку минути. Додадете ги оризот, пињолите и сувото грозје. Во блендер изблендирајте ја внатрешноста на доматот и чашата сок од домати. Половина од оваа смеса додадете ја во филот за полнење, а половина оставете ја за крај. Во тавата додадете и чаша вода, зачините и варете на тивок оган неколку минути додека оризот не омекне. Тргнете го од оган и посипете со свежи зачински билки.
Зеленчукот наполнете го со смесата од ориз. На крајот, во преостанатиот сос од домати додадете маслиново масло и со ова прелијте го целиот зеленчук и добро посолете.
Печете во рерна на 200 степени, покриено со алуминиумска фолија првиот половина час, а потоа уште еден час додека јадењето добро да порумени.
Гемиста послужете ја со свеж леб, а за оние што не постат, одлично оди со фета-сирење.