Либанската проиранска група Хезболах рано утринава истрела ракета кон Тел Авив насочена кон седиштето на израелската разузнавачка служба Мосад, но проектилот беше пресретнат, соопшти израелската војска (ИДФ). Истовремено, израелската армија гаѓаше цели во јужните и источните делови на Либан, што е трет ден по ред како ИД гаѓа цели во Либан.

Хезболах утринава  истрела  проектил кон Тел Авив, јавуваат израелските медиуми повикувајќи се на извори кои тврдат дека нападот бил симболично лансиран во во 6:29, што според нив е симболика бидејќи тогаш  почнал и нападот на Хамас на југот на Израел на 7 октомври минатата година, по што и започна војната во Газа која сè уште трае.

Сирените рано утринава се огласија во Тел Авив и во другите градови на Израел, а веднаш потоа одговорноста за нападот ја презеде Хезболах, наведувајќи дека истрелале балистичка ракета „Кадер 1“ кон седиштето на Мосад во близина на Тел Авив. Тие додаваат дека станува збор за одмазда за израелските напади во текот на минатата недела кога пејџерите користени од Хезболах, а потоа и воки-токите експлодираа низ цел Либан. Во тие напади беа ранети илјадници цивили, но беа убиени и некои од највисоките команданти на Хезболах.

Ова е прв напад на Хезболах длабоко на израелската територија од почетокот на серијата меѓусебни напади, поради што  израелската војска им наложи на жителите да влезат во засолништа, пишува The Times of Israel.

לאחר האזעקות בשרון: תיעוד יירוט בעמק חפר@Nov_reuveny pic.twitter.com/egbjJxRjxM

— כאן חדשות (@kann_news) September 25, 2024

Израелската армија ги повика Либанците да не се враќаат дома до понатамошно известување

Истовремено, израелската армија утринава трет ден по ред бомбардира цели во Либан, поради што илјадници луѓе избегаа од југот на земјата. Медиумите објавија дека на мета било и упориштето на Хезболах во регионот Баалбек во Источен Либан.

🚨Interception over Tel Aviv pic.twitter.com/UVktv82Hlc

— Raylan Givens (@JewishWarrior13) September 25, 2024

Израелските одбранбени сили упатија порака на арапски до либанските цивили кои ги евакуираа своите домови, предупредувајќи ги дека сè уште не е безбедно да се вратат.

„За ваша безбедност, не се враќајте во своите домови до понатамошно известување“, се вели во пораката, во која се истакнува дека израелската војска продолжува да стрела врз терористичките цели.

Пораката беше објавена откако беше соборена ракетата која Хезболах ја истрела кон областа на Тел Авив.