Португалија се закануваше од почетокот на натпреварот, меѓутоа тоа не беа некои големи прилики за погодок, најчести беа заканите на Кристијано Роналдо кој упати неколку удари. Роналдо шутираше и од слободни удари, но или топката завршуваше директно во Облак или не беше прецизен.

Во последните моменти од натпреварот Роналдо имаше нова прилика, но и во таа ситуација поуспешен од него беше голманот на Словенија.

Словенија беше повлечена, но добро организирана и имаше јасна цел, Матијаж Кек одлично ја постави играта и не дозволи Португалија да биде опасна како што знае. Имаа и една голема прилика кога Бенџамин Шешко беше во дуел со Пепе, меѓутоа неговиот удар заврши покрај голот.

Најголемата можност за победа на Португалците пред пеналите ја пропушти Роналдо кој во финишот од првото продолжение не реализираше пенал.  По пеналот Пепе погреши на спротивната страна, а Португалија имаше среќа Диого Кошта да го спречи напаѓачот на Словенија.

Португалскиот голман повторно блесна во пенал рулетот кога одбрани три пенали на Иличиќ, Белковец и Вербиќ и така обезбеди четвртфинале за својата репрезентација. Прецизни за Португалија беа Роналдо, Бруно Фернандеш и Бернардо Силва.