Британката Џејми има само осум години и веќе освојува награди за најдобра фотографија. Таа ја обожава природата, а неодамна се пофалила на социјалните мрежи со едно необично откритие.

Девојчето го истражувала светот со својот фотоапарат кога видела – ни помалку ни повеќе, розов скакулец. Видеото со розовит скакулец кое се појави на социјалните мрежи воодушеви многу корисници, пренесува „НДТВ“.

„Само што видов розов скакулец. Приближно 1 отсто од луѓето се среќаваат со ваков феномен во својот живот“, рекла Џејми.

Девојчето додава дека необичната нијанса е резултат на „генетска мутација“ која предизвикува прекумерно производство на розов пигмент, или недоволно производство на црн.

„Многу сум среќна што го гледам“, додала таа.

Многу корисници го пофалија нејзиниот талент и фасцинација со природата.

„Вака треба да изгледаат денешните деца, инспирирани и љубопитни. Браво“; „Нејзината возбуда и ентузијазам ме восхитуваат“, „Знаење. Возбуда. Фотографија. Вештини. Слаткост. Има се“, беа дел од коментарите под видеото.