Гинисовата книга на рекорди го прогласи најскапиот хамбургер во светот, наречен „Златното момче“. Овој „специјалитет“ е прелиен со златни ливчиња, премачкан со кавијар, а неговото пециво е направено со шампањ.

„Златното момче“ го измислил Роберт Јан ДеВин во ресторанот „Далтонс“ во Гелдерленд, Холандија. Тој првично дошол на оваа идеја за време на карантинот поради пандемијата на корона-вирусот.

Плескавицата се состои од сочно говедско месо со врвен квалитет, прелиено со кавијар и кралски ракови, како што е наведено на официјалната веб-страница на Гинисовата книга на рекорди. Дури и пецивото и прстените од кромид се направени со „Дом Перињон“ (Dom Pérignon), винтиџ шампањ.

@guinnessworldrecords Most expensive hamburger (single portion) 🍔✨ €5,000 (£4,295 / $5,967) by Robbert Jan De Veen at The Daltons 🇳🇱 The entire burger – named ‘The Golden Boy’ – was made completely from scratch and was a recipe developed by Robbert himself. For €5,000, he wanted to ensure the burger was excellent quality as well as tasty. The bun is lightly toasted but still soft inside and is made using Dom Pérignon champagne. The onion rings are champagne battered, the beef is juicy wagyu, with the addition of king crab and caviar. Another show-stopping element is the bun which is completely covered in gold leaf and when picked up, gives you golden fingers! Robbert describes the taste as sweet, sour, salty, bitter and umami. Robbert is very confident in his cooking skills as he makes hundreds of burgers every week. The only thing he was nervous about was potentially dropping the burger in front of the crowd of people (with many cameras) who came to view the attempt. He says he almost tripped on the day, but luckily the plate stayed in his hand! #burger #fastfood #hamburger #guinnessworldrecords ♬ original sound – Guinness World Records

„Роберт го опишува вкусот како мешавина од слатко, кисело, солено, горчливо“, напиша Гинис.

Уште еден елемент кој на сите им падна во очи е пецивото кое е целосно покриено со златни листови и кога ќе го земете прстите ви стануваат златни.

Една порција се продава за 5.000 евра (4.295 фунти / 5.967 долари), што предизвика бурни реакции кај различни луѓе кои тврдат дека никогаш не би можеле да потрошат толку многу на еден оброк.

„Значи, бургер со непотребни состојки“, рече еден корисник на ТикТок.

„Тоа веројатно има ужасен вкус“, коментираше друг.

„Зошто мора да ставаат златни листови на секоја храна која е скапа, не помага, не придонесува за мирис или вкус и изгледа кич“, напишаа во коментарите.

Иако Роберт Јан ДеВин отсекогаш сонувал да го држи светскиот рекорд, со тоа сакал да го сврти вниманието на сиромаштијата во Холандија. Така, заработката од неговото прво „Златно момче“ била искористена за изработка на 1.000 пакети со храна за семејствата кои немаат основни средства за живот, пишува „Мирор“.