Милијардер, пилот и двајца вработени во „SpaceX“ денеска полетаа од Флорида на мисија што треба да означи нова етапа во комерцијалното истражување на вселената – првата приватна вселенска прошетка во историјата, пренесува Курир.рс.

„Полетува “Polaris Dawn“ на Илон Маск “, објавија од компанијата на Икс заедно со снимката од ракетата „Фалкон 9“ што полетува од вселенскиот центар Кенеди.

Polaris Dawn launches to orbit pic.twitter.com/sxZjJXBjzG

— Polaris (@PolarisProgram) September 10, 2024

Полетувањето беше одложено неколку пати во изминатите две недели, најмногу поради лошите временски услови.

Вселенската прошетка е планирана за четврток, на половина пат од петдневниот лет.

Polaris Dawn Live Broadcast:

– Furthest from Earth that humans have been in over half a century

– First private spacewalk

https://t.co/cWd6NxO1Fr

— Elon Musk (@elonmusk) September 10, 2024

Ако се оди според планот, тоа ќе биде прва приватна вселенска прошетка, но без напуштање на капсулата.

Вселенските прошетки, една од најризичните задачи за време на вселенските летови, беа преземени само од професионални астронаути кои и денес рутински го прават тоа на Меѓународната вселенска станица во орбитата на Земјата.

From the crew of Polaris Dawn pic.twitter.com/51A1bKnNXc

— Polaris (@PolarisProgram) September 10, 2024

На прес-конференција пред летот, милијардерот и еден од учесниците во мисијата, Џаред Исакман, одби да каже колку инвестирал во летот. „Нема шанси“, рече тој.

SpaceX соработува со Isaacman за да плати за развој на вселенски одела и други трошоци.

„Не сум роден кога луѓето одеа на Месечината. Сигурно би сакал моите деца да видат луѓе како шетаат по Месечината и Марс и го истражуваат Сончевиот систем“, изјави 41-годишниот милијардер пред мисијата.