ВИДЕО | Meси можеше да биде трагичар, голманот Мартинез ја одведе Аргентина во полуфиналето на Копа Америка
![](https://www.slobodenpecat.mk/wp-content/uploads/2024/07/12348538.jpg)
Репрезентацијата на Аргентина потешко од очекувањата, но успеа дојде до полуфиналето на Копа Америка. Аргентинците по изведувањето на пенали беа подобри од Еквадор, а херој беше голманот Емилијано Мартинез.
Прва стигна до водство Аргентина со голот на Лисандро Мартинез по 35 минути игра. Еквадор по 15-тина минути во второто полувреме доби прилика да изедначи, но Енер Валенсија од пенал ја погоди само стативата.
Пред самиот крај во втората минута од судиското продолжение Родригез погоди за изедначување и го одведе натпреварот во пенал-рулетот.
Меси прв шутираше за Аргентина и се обиде со паненка, но неговиот удар заврши во пречката. Прецизни подоцна беа Алварез, Мекалистер, Монтиел и Отаменди. Мартинез ги одбрани ударите на Мена и Минда, па така ги одведе „Гаучосите“ во полуфиналето каде што го чекаат подобриот од пресметката помеѓу Венецуела и Канада.