ВИДЕО | Лига Европа: Рома испушти победа во завршницата, Ајакс убедлив против Бешикташ
Во вечерашните натпревари од Лига Европа, екипата на Рома испушти победа и ремизираше против Атлетик Билбао во еден од натпреварите кои привлекуваа најголемо внимание.
Рома имаше предност се до 85. минута со голот на Довбик во 32. минута, а тогаш Паредес ја погоди мрежата на „волчицата“ за израмнување и конечни 1:1.
Ајакс ја оствари најубедливата победа во вечерта и го прегази турски Бешикташ со 4:0. Еден гол постигна холандскиот тим во првото полувреме и уште три во вториот дел за убедлив триумф.
Највозбудливо вечерва беше во Германија каде што Ајнтрахт до 86. минута водеше со 3:1 и на крајот не победи. Плзен со головите на Аду и Јемелка во 86. и 93. минута дојдоа до бод.
Во останатите натпревари ФЦСБ славеше 4:1 со РФС Рига, Лион дома го совлада Олимпијакос со 2:0, додека Брага со два гола на Брума во 88. и 95 минута дојде до победа од 2:1. Тотенхем во натпреварот кој започна најдоцна од сите не дозволи изненадување и беше подобар од Карабах со 3:0.