За изгледот на пејачката Кристина Агилера (43) во последно време не престанува да се зборува. Пејачката позната по своите облини, изненади со трансформација и откри дека ослабела 20 килограми. Таа го покажа својот изглед во предизвикувачка модна комбинација.

Агилера викендот го помина во Италија, каде што настапи на гламурозниот настан Dolce & Gabbana Alta Moda. За таа пригода облекла розов краток фустан и чизми над колена во иста боја.

Следбениците не одолеале и веднаш ја опсипувале со бројни комплименти.

– Изгледаш убаво и среќно! Се гледа дека си полна со самодоверба – бил еден од коментарите.

-Толку си убава – напишале други.

Некои ѝ пишаа дека им недостигаат нејзините прекрасни облини, а некои дури почнаа да разговараат како Кристина ослабела толку многу.

– Убеден сум дека имала некаква операција – напишале корисниците на социјалните мрежи.

Други шпекулираат дека ослабела поради употребата на лекот за дијабетес – „оземпик“.

Агилера претходно за магазинот Health изјави дека „мрази да биде супер слаба“. Нејзината тежина варирала со текот на годините, но извесно време ја одржувала својата витка линија. Како што открила, во тоа успева поради здравата и урамнотежена исхрана и поради вежбањето.