Објавен е нов трејлер за фимот „Joker: Folie a Deux“, во кој повторно можеме да ја видиме „хемијата“ меѓу Хоакин Феникс и Лејди Гага.

Во трејлерот ги слушаме најавувачите како зборуваат за злосторствата на Артур Флек, односно Џокер и за тоа како дел од општеството го смета за херој, додека гледаме како полицијата го носи насловниот лик на судење. Улиците се полни со демонстранти кои го скандираат неговото име, а потоа ја слушаме Харли Квин, која ја игра Лејди Гага: „Кога првпат го видов Џокер, не се чувствував толку осамена“.

Во продолжение на трејлерот ги гледаме и нивните бакнежи, како и никогаш послабото тело на Хоакин.

Во трејлерот полн со насилство и фантазија на Бродвеј, филмот се чини дека ветува комбинација на суров реализам со шарена имагинација. Продолжението на „Џокер“ ќе се појави во кината на 4 октомври.

Филмот „Џокер“, добитник на Златниот лав на Меѓународниот филмски фестивал во Венеција, заработи повеќе од милијарда долари ширум светот и ги предводеше Оскарите со 11 номинации. Продолжението на „Џокер“ премиерно ќе биде прикажан на овогодинешниот филмски фестивал во Венеција.

ФОТО | Неверојатна хемија помеѓу Хоакин Феникс и Лејди Гага: Нови фотографии од сетот на „Џокер“