ВИДЕО | Јелена му посвети роденденска честитка на Новак Ѓоковиќ: „Среќен роденден на мојот откачен татичко со срце големо како универзумот“
![](https://www.slobodenpecat.mk/wp-content/uploads/2024/05/Novak-Djokovic-1.jpg)
Српскиот тенисер Новак Ѓоковиќ денеска го прославува својот 37. роденден, а една од првите роденденски честитки му ги упати неговата сопруга Јелена.
Таа објави видео на кое тие двајца се смешкаат, а таа го гледа со многу љубов. Во позадина се слуша големиот хит на Селин Дион – „Je noux veux“.
„Љубов моја, среќен роденден.
Среќен роденден на мојот ненормален, откачен и неуморен татичко со срце големо како универзумот.
Не бидејќи си наш, но навистина си најдобар. Те сакаме“, му посака таа на својот сопруг.
Нивната љубов датира уште од средношколските денови, а тенисерот вели дека станувало збор за „љубов на прв поглед“.
„Ме освои со насмевката на прв поглед. Се разбира, изгледот е секогаш на прво место, но љубовта бара многу повеќе. Јелена беше искрена од првиот момент и фала му на Бога што се запознавме пред да постигнам голем успех бидејќи знам дека е со мене поради мене, поради Новак, поради детето кое го запозна на 17 години. Таа е мојот најголем поддржувач, таа е способна, амбициозна и силна. Најмногу ми се допаѓа кај неа нејзината искреност“, изјави тенисерот своевремено за својата сакана.