Српскиот тенисер Новак Ѓоковиќ во моментот се опоравува од повредата здобиена на Ролан Гарос, а целото слободно време го поминува со семејството. Она што неодамна ја воодушеви јавноста е роденденската прослава на неговата сопруга Јелена Ѓоковиќ.

Јелена во понеделникот го прослави својот роденден и по тој повод направи голема забава во еден ресторан во Белград, каде ги собра пријателите.

Пејачите Милица Тодоровиќ и Стеван Анѓелковиќ беа музичкиот избор на Јелена, а сопругата на Новак Ѓоковиќ со пријателите танцувала, пеела и скокала во ритамот на музиката. Песната „Котор“ особено ја инспирирала за танцување, а покрај неа биле нејзините пријатели.

Фотографиите и видеоматеријалите го преплавија интернетот, а судејќи по објавите на гостите на прославата, брачниот пар уживал во секој момент од оваа вечер.

Novak Djokovic and Jelena Djokovic dancing together on the day of her birthday. ❤️ pic.twitter.com/scn3a0dl61

— Danny 🐊 (@DjokovicFan_) June 18, 2024

Јелена во еден момент играла и танцувала со пријателите, а во следниот паднала во прегратките на Новак. Потоа следувал емотивниот танц на брачните партнери, кој во вид на видеоматеријал стигна и до социјалната мрежа Икс (поранешен Твитер). Овој момент доловил колку тие двајца имаат нежности еден за друг.

ВИДЕО | Јелена Ѓоковиќ искрено за родителството: Моите деца ќе имаат трауми

ВИДЕО | Јелена му посвети роденденска честитка на Новак Ѓоковиќ: „Среќен роденден на мојот откачен татичко со срце големо како универзумот“