ВИДEО: Израел нападнат со 30 ракети истрелани од Либан
Ракети се истрелани попладнево од јужен Либан кон Израел, а најмалку една беше пресретната од системот за противвоздушна одбрана „Железна купола“, соопшти израелската армија.
Израелскиот јавен сервис Кан објави дека според првичните проценки, 30 ракети биле истрелани од Либан кон северот на Израел, а пет паднале на израелска територија. Останатите биле пресретнати. Тоа е најголемиот напад врз северен Израел од војната во 2006 година.
BREAKING: Lebanon has reportedly fired rockets into northern Israel, a day after Palestinians were attacked at Al Aqsa Mosque, for the 2nd night in a row.pic.twitter.com/vrEyRgzdVr
— Richard Sudan (@richardsudan) April 6, 2023
Никој не презеде одговорност за ракетирањето.
На истрелувањето на ракетите му претходеше предупредување од либанскиот проирански Хезболах дека ќе ги поддржи „сите мерки“ на палестинските организации против Израел по конфликтот на верниците со израелската полиција во џамијата Ал Акса на Брдото на храмот во Ерусалим.
Ракетниот напад се случи во време на зголемени тензии по ракетниот истрел на југот на Израел од Појасот Газа, судирите во џамијата Ал Акса во текот на ноќта меѓу средата и четвртокот и повторно доцна синоќа, и соборувањето на беспилотно летало за кое постои сомневање дека е иранско, а долетало од правец на Сирија на почетокот на оваа недела.
Unarmed Muslims worshipping at Al Aqsa, Islam's third holiest site, have been brutally attacked by Israeli regime forces.
Every year during Ramadhan, Israel assaults the holy site.
If Hamas responds, Israel will cry foul.#AlAqsa #AlAqsaUnderAttack pic.twitter.com/yVP4O4kluG
— Robert Carter (@Bob_cart124) April 4, 2023
Сирени за предупредување за проектили се огласија во населбите Бецет и Шломи во областа Западна Галилеја, во близина на границата со Либан. Набргу потоа се слушнаа сирени и во другите населени места во тоа подрачје, а на интернет беше објавена снимка од трага од чад од ракетните пресретнувачи кои ги истрела „Железната купола“.
Едно лице се здобило со полесни повреди од шрапнели.
Израелските медиуми наведуваат дека постои можност ракетите од Либан да биле истрелани од палестински организации со седиште во таа земја, но малку е веројатно дека тоа би го направиле без премолченото одобрение на Хезболах, кој го контролира јужниот дел на Либан.
„Хезболах силно го осудува нападот на израелските окупаторски сили врз џамијата Ал Акса и нападите врз верниците“, соопшти Хезболах.
Таа шиитската организација прокламираше целосна солидарност со палестинскиот народ и групите на отпорот и вети дека ќе ги поддржи сите мерки за заштита на верниците и спречување на продолжување на непријателските напади.
Стравувањата од ескалација на насилството се зголемија откако израелската полиција се судри со Палестинците во џамијата Ал Акса, третата најважна џамија во исламот.
Нови немири меѓу Палестинците и израелската полиција во џамијата Ал Акса