ВИДЕО | Инцидент во Неготино: Голманот на Охрид нападнат од навивач
По вчерашниот натпревар помеѓу Вардар Неготино и Охрид Лихнидос кој гостите го добија со 0:1 се случил инцидент во кој повреден бил голманот на гостите.
Голманот Андов по последниот судиски свиреж бил нападнат од фан на домаќините во турканицата која настанала поради лошата организација на средбата.
Од редовите на Охрид објавија соопштение во кое бараат реакција од одговорните во Фудбалската федерација.
„Фудбалската игра во Неготино беше ставена во втор план поради настан кој што нема допирна точка со спортот. Поради лошата организација дојдовме до ситуација која не можеше да се контролира и многу лесно можеше да ескалира до поголем инцидент. По завршувањето нашиот голман како и уште неколку наши фудбалери беа физички нападнати од неофицијални лица кои што без никаков проблем се најдоја на теренот. Исто така и во претходната сезона бевме сведоци на слични случувања во Неготино, но немаше реакција од наша страна. Бараме реакција од одговорните лица на федерацијата, вакви сцени го уназадуваат македонскиот спорт“, стои во соопштението на Охрид Лихнидос.