Последното коло во македонскиот фудбал поминува во знакот на инцидентите посебно во второлигашка конкуренција.

Откако претходно беше објавено за инцидентот во Неготино каде што имаше напад врз голманот на Охрид, сега МВР потврди дека судиите се соочиле со проблеми во Куманово на средбата Башкими – Беласица.

Судиите биле попречувани да влезат во соблекувалната, а на еден од нив му било оштетено и возилото.

„На 25.09.2024 во СВР Куманово било пријавено дека по завршување на фудбалски натпревар од втората фудбалска лига помеѓу екипите на Башкими и Беласица, на стадионот на Башкими, судиите биле попречувани да влезат во нивните службени соблекувални. По интервенција на полициските службеници, судиите влегле во соблекувалните, а откако го напуштиле стадионот забележале дека возилото ‘фиат браво’ со скопски регистерски таблички, сопственост на еден од судиите, било оштетено. Се преземаат мерки за расчистување на случајот“, соопшти МВР.

ФФМ го суспендираше и теренот во Неготино