На социјалните мрежи се споделува вознемирувачко видео од автопатот Тетово-Скопје на кое се гледа како едно куче лежи покрај патот кое претходно било удрено од мотор. Од ударот кучето најверојатно пцовисало, а моторот паднал на земја. Додека возачот го подига моторот човекот кој го снима видеото коментира на Албански јазик „Ова се инцидентите на автопатот Тетово- Скопје, но за неколку секунди тој регистрира уште еден инцидент. На снимката се гледа како возило удира друго куче, дигајќи го во воздух неколку метри со предницата на автомобилот.

На автопатот Гостивар-Тетово-Скопје, често пати животни, претежно кучиња – скитница, како и мечки, волци и лисици, овци и коњи, зајци го преминуваат коловозот, предизвикувајќи сообраќајни несреќи.

Од СВР – Тетово велат дека главен проблем е необезбедениот автопат каде често пати заштитната мрежа или ја нема или е оштетена и животните слободно се движат по автопатот.

Оттаму со апел надлежните да ги контролираат патиштата и истите да бидат обезбедни со соодветна мрежа, за да се избегнат вакви сообраќајни несреќи.Во текот на една година според статистиката на полицијата се регистрираат над 100 сообраќајки – предизвикани од животни.

„Едвај излегов жив“: Кумановец раскажа за „блиска средба“ со мечка на автопатот Тетово-Скопје