Неколку години од неговото последно појавување во филмот Пиратите од Карибите, Џони Деп повторно е виден во костимот на капетанот Џек Спероу. Овој пат тој облече костим од хуманитарни причини. Имено, тој ги развеселил децата на педијатриските и онколошките оддели во Универзитетската болница Доностија во Сан Себастијан, Шпанија.

Desde Osakidetza, y especialmente desde todo el personal del Hospital Universitario Donostia, nos gustaría trasmitir un agradecimiento infinito a Johnny Depp por su tiempo, su apoyo y su energía, así como a @sansebastianfes por haber facilitado esta visita #72SSIFF #osakidetza pic.twitter.com/878iZ9y89r

— OSI Donostialdea ESI (@DonostiakoOsp) September 26, 2024

По неговата посета, болницата јавно му се заблагодари: „Сакаме да му изразиме бескрајна благодарност на Џони Деп за неговото време, поддршка и енергија“.

„Толку мило од него“, „Срцето ми се топи кога ќе ги видам насмевките на овие деца, ти благодарам Џони“, „Господин Деп повторно ни покажува храбар чин на добрина, сочувство и пред сѐ љубов“, беа само дел од коментари на луѓе кои се воодушевени од неговиот потег.

@usweekly Captain Jack Sparrow is back! Us has exclusive footage of #JohnnyDepp making a very special appearance as his beloved #PiratesoftheCaribbean ♬ original sound – Us Weekly

Инаку, ова не е првпат познатиот пират Џек Спароу да посетува болници и да им враќа насмевки на болните.

Џони Деп моментално е во Шпанија на промоцијата на неговиот најнов филм „Моди“, кој следи 48 часа од животот на италијанскиот уметник Амедео Модиљани (Рикардо Скамарцио), додека Стивен Греам и Ал Пачино играат споредни улоги во филмот. Тоа се околу два дена кои станаа пресвртница во неговиот живот и на крајот ја зацементираа неговата репутација како уметничка легенда.