ВИДЕО | Денеска во 11 часот четворица ќе стигнат на нивната прва вселенска прошетка
Група астронаути со приватно финансирање денеска треба да ја изведат првата вселенска прошетка во орбитата од капсулата „СпејсИкс“ (SpaceX), тестирајќи нова линија на вселенски одела во најризичната мисија на компанијата досега.
По доцнењето, прошетката се очекува да започне во 11 часот по средноевропско време на надморска височина од 700 километри, а двајца астронаути потоа ќе излезат од капсулата „Crew Dragon“, додека другите двајца ќе останат внатре.
Џаред Исакман, пилот и милијардер, основач на компанијата за електронско плаќање „Shift4“, ја финансира мисијата Polaris, како и неговиот лет Inspiration4 со „SpaceX“ во 2021 година.
Тој одби да каже колку плаќа за мисиите, но се смета дека тие чинат стотици милиони долари, според „Ројтерс“.
Во мисијата се вклучени и пилотот Скот Потита, пензиониран потполковник на американските воздухопловни сили, и инженерите на „SpaceX“, Сара Гилис и Ана Менон.
Вселенското летало „Crew Dragon“ ја обиколи Земјата најмалку шест пати во средата во овална орбита која се протега до 1.400 километри, што е најоддалеченото патување на луѓето во вселената од последната американска мисија Аполо во 1972 година.