Најновата саркастична туристичка реклама за Осло стана неверојатен хит на интернет. Имено, се работи за видео, објавено на социјалната мрежа ТикТок, во кое Халфдан, жител на норвешката престолнина е главната ѕвезда. Младото момче раскажува за искуството во неговиот роден град.

„Да бидам искрен, не би дошол овде. Дали е ова дури и град? Сè е толку достапно. Јас пораснав овде и моментално живеам овде. За жал“, започна 31-годишниот Халфдан.

„И не разбирам зошто луѓето пливаат. Среде град. Одвратно. Осло е како село. Можете да стигнете од едниот до другиот крај на градот за 30 минути. Пробајте го тоа во Њујорк или Париз. “, продолжи тој.

Потоа се осврнува и на културата во Осло, каде позира пред ремек-делото на Едвард Мунк.

„Сè е премногу едноставно и достапно за еден град. Зарем не треба да биде малку покомплицирано?“, додал тој.

Халфдан се сними и во ресторан, па искоментира: „Понекогаш само влегувам и нарачувам, а не сум славна личност. Мислам, што ти кажува тоа?“.

„Овој град е како добра љубовна врска. Не е лесно да се биде овде“, заклучил тој.

Иако, звучи како антиреклама, ова видео воодушеви многумина. Халфдан, всушност, ги посочи многуте атракции на Осло, карактеризирајќи ги како недостатоци и објаснува дека градот е целосно неповрзан. Сепак, се чини дека на многу луѓе им се допадна ова видео, бидејќи за пет дена собра 1,6 милиони прегледи и предизвика многу позитивни коментари.

„Затоа сакам да го посетам Осло сега“; „Ова е веројатно најдобрата туристичка реклама што сум ја видел“; „Сега ме интересира. Ајде да го посетиме Осло“; „Ова е одлично“; „Одлично видео, едвај чекам да го посетам Осло, никогаш не сум бил таму“: „Добро, тоа е тоа, ќе резервирам лет“; „Сега сите сакаме да одиме во Осло“, се само дел од коментарите под ова видео.