Хаџер Ал-Али (33), бездомник од Амстердам, не ни сонувал каков пресврт ќе следи откако неодамна пронашол паричник во кој имало 2.000 евра и го однел во полициска станица. Паричникот го нашол на главната железничка станица во градот додека барал празни лименки, пренесува „Јаху“.

– Помислив, можеби е во прашање некој на кој навистина му требаат тие пари – рекол Хаџер.

Меѓутоа, во паричникот немало лични документи, па полицијата не можела да го пронајде сопственикот. Без разлика, тие сакале да наградат чесниот пронаоѓач.

Полицијата му подарила ваучер од 50 евра и признание во форма на сребрена статуетка со палец (награда што полицијата ја доделува на заслужни граѓани на Амстердам), а потоа била покрената и кампањата за групно финансирање, со која за Хаџер во еден ден биле собрани повеќе од 34.000 евра. Тој потоа самиот одлучил да ги прекине уплатите.

– Многу сум благодарен за сè, но не сакам да бидам алчен. Сакам да си ги заработам парите – рекол тој.

Но, тука не бил крајот. На Хаџер на крајот му понудил работа сопственик на една фирма за асфалтирање.

– Мојот живот дефинитивно ќе се подобри по ова, сега можам повторно да вложувам во иднината. Секогаш верувам дека од добро дело произлегува некое друго добро дело, но вакво нешто не сум ни сонувал – заклучил тој.

@flashnewsfr Il s’appelle Hadjer Al-Ali, et sa vie a basculé en gare d’Amsterdam…#actualite #sinformersurtiktok #humanity #sdf #faitdivers #positivevibes #amsterdam #paysbas #emotions #bravo ♬ Surrender – Natalie Taylor