ВИДЕО | Алавес доцна се разбуди, Реал Мадрид не дозволи чудо на „Бернабеу“
Реал Мадрид со 3:2 славеше во натпреварот од седмото коло во Ла Лига во кој малку фалеше Алавес да приреди вистинско чудо и да се врати во финишот по негатива од 3:0.
„Кралевите“ подобро го започнаа натпреварот и го отворија резултатот уште во првата минута кога во листата на стрелци се запиша Лукас Васкез. Пред крајот на полувреме Килијан Мбапе по акцијата со Џуд Белингам погоди за предност од 2:0.
За Мбапе ова беше четврти натпревар во низа на кој постигнуваа погодок. Само што започна вториот дел Родриго зголеми на 3:0 и тогаш изгледаше дека нема да гледаме големи возбудувања бидејќи Реал Мадрид ќе запише лесна победа.
Сепак, Алвес се разбуди во самата завршница кога во неполни две минути постигна два гола. Прво Бенавидез се запиша во листата на стрелци за 3:1, а веќе во наредната минута Гарсија постигнува гол до 3:2. Се обиде Алавес во завршницата да дојде и до чудо, меѓутоа не создаде некоја посериозна прилика, па Реал сепак стигна до триумф.
Во двата натпревари од Ла Лига кои се играа претходно, Севиља со 2:1 го совлада Ваљадолид, додека Валенсија и Осасуна ремизираа без голови.